Менің донор болғым келеді. Қан тобым 4 +. Ол үшін не істеуім керек?

Махаббат

Жауап:

Саламатсыз ба, Махаббат!

Жасы он сегізге толған еліміздің кез келген тұрғыны донор бола алады. Ол үшін сәйкесінше медициналық тексеруден өту және қан тапсыруға қарсылығы болмауы керек. Оған қоса медициналық мақсатта қан мен оның құрамдас бөліктеріне қан тапсыру ерікті тілегі болғаны жөн. Донорды қабылдау жеке басын куәландыратын құжат, яғни жеке куәлік бойынша атқарылады.
Біздің мекен-жайымыз: Абай даңғылы, №65(Облыстық медициналық орталық ғимараты, 1 қабат) немесе 30-58-80телефоны арқылы хабарласуға болады.

Сізге деген ізгі ниетпен: донорларды жинақтау бөлімше меңгерушісі: Рыскуль Кенесариевна

Саламатсыздар ма? Қан тапсырсам қанша көлемде ақша беріледі?

Жауап:

Ербол саламатсызба?

Донорлық функцияны өтеусіз жүзеге асырған донор қан мен оның компоненттерін донациялаудан кейін өз қанының көлемі мен организмінің әл-ауқат шығындарын толтыру үшін «Халық денсаулығы мен денсаулық сақтау жүйесі туралы» 2009 жылғы 18 қыркүйектегі Қазақстан Республикасы Кодексінің 167-бабының8-тармағына сәйкес белгілейтін мөлшердегі оның ақшалайбаламасын алады, яғни айлық есептік көрсеткіштің 25%, 520 теңге 25 тиын. беріледі.

Қызылорда облыстық қан орталығының донорларды жинақтау бөлімшесінің меңгерушісі: Рыскуль Кенесарықызы.

Донор болған зиян ба? Қан арқылы берілетін ауруларды жұқтырып алмаймыз ба? Бұрын сары аурумен ауырғанмын, маган тапсыруга болмай ма?

Салеметсіздер мен қан орталығының дәрігерлеріне, мен жалпы плазмаферез туралы естігем,достарым тапсырған болатын. Оның адам ағзасына қандай пайдалы және зиянды жақтары бар. Сол туралы білгім келеді.

Жауап:

Плазмацитоферез донорлық және емдік болып екіге бөлінеді. Донорлық плазмацитоферез донорлық қан тапсырудың бір түрі болып табылады. Донорлық плазмацитоферез кезінде плазмалар инфекцияларға тексеріліп, арнайы аппараттармен қатырылады. Донорлық плазма науқастардың әртүрлі жағдайларда организмдегі сұйықтығын дереу қалпына келтіру, қанның ұюын жоғарылату мақсатында күйіктерде, ауыр қан кетулерде, септикалық шоктарда құйылады.

Плазмацитоферез-көптеген ауруларды емдеудің эффективті әдісі болып табылады. Бұл әдіс әртүрлі токсиндерді, уларды және ауру шақыратын микроорганизмдерді қаннан оның сұйық бөлігі плазмамен бирге алып тастау арқылы тазартуға негізделген, сондықтан емдік плазмацитоферез деп аталады. Плазмацитоферез арқылы қандағы токсиндердің мөлшерін азайтып, гормондық және иммундық жүйені ұстап тұруға болады. Әсіресе аутоиммунды ауруларда адамның өзінің организміндегі агрессивті антиденелерді алып тастауда алатын орны ерекше. Сонымен қатар:

Әртүрлі уланулар (отравление);

Саптикалық шокта, инфекцияларда;

Аутоиммундық аурулар: амилоидоз, жүйелі қызыл жегі, Крон ауруы, саркоидоз, шашыранды склероз және т.б;

Иммунитеттің патологиялық төмендеуі: АИТВ;

Бауыр жетіспеушілігі, бауыр өзінің қан тазарту қызметін атқара алмағанда;

Гломерулонефритте;

Криоглобулинемияда;

Сонымен бірге 200 ден аса ауруларды плазмацитоферез әдісімен емдеу нәтижелілігі анықталған:

Гипертония;

Ревматоидный артрит;

Астма;

Атеросклероз;

Сәулелік аурулар;

Резус-конфликт;

В және С гепатиттері;

Қант диабеті және т.б

Плазмацитоферездің де қарсы көрсетілімдері бар, олар:

- Анемия;

- Тромбоцитопения;

- Көк тамырлардың аурулары (қабынуы, түйіндердің болуы т.б)

- Жүрек қан-тамыр жүйесінің аурулуры;

- Түсік тастау қаупі бар жүкті әйелдер.

ҚДБ меңгерушісі: Дәуітова Р.Ж.

Ақысыз медициналық тексеруден өткен және қарсы көрсетілімдері жоқ, қан мен оның компоненттерін медициналық
мақсаттар үшін ерікті түрде тапсыруға ниет білдірген, он сегіз жастан жоғары жеке тұлға қан мен оның компоненттерінің доноры бола алады.
Қанды алғаш рет тапсыратын жасы 60-тан асқан тұлғалар, сондай-ақ жасы 65-тен асқан тұлғалар қан мен оның компоненттерін тапсыруға медициналық тексеруді жүргізетін дәрігердің ұйғарымы бойынша жіберіледі. Салмағы 50кг кем және бойы 150см төмен донорлар қабылданбайды. Донорларды қабылдау қан қызметі ұйымдарында жеке басын растайтын куәліктернегізінде жүргізіледі.